- 55 -

1317. Juli 14. Liegnitz.

Herzog Boleslaus verkauft der Stadt für 500 Mark alle seine Erbzinsen von den Brot-, Fleisch- und Schuhbänken sammt dem Marktrecht.

In nomine domini amen. Quoniam ea, que per assercionem principum in publica deuenerunt munimenta perpetuam optinent firmitatem, nos itaque Boleslaus dei gracia dux Slesie et dominus in Legnicz vniuersis, tam presentibus quam futuris, huius scripti testimonio profitemur, nos omnem nostrum censum hereditarium nobis in ciuitate Legnicz prouenientem, videlicet in curijs, in maccellis carnium, panis et calceorum, in renouatorijs, in ruffis et albis cerdonum corijs, in falcibus, fermentis, in tela, que per vlnas venditur, in gladiatoribus, in calcaribus, cultellis, in paruis et pauperibus institis, in seminibus, in vitris, in sale, quod per denaricas venditur, in funis, in capistris, in antiquis vestibus venalibus, in piris, cepe, pomis, que curribus ducuntur ad forum, aliumque omnem nostrum censum hereditarium ibidem eo modo et iure, quo nos solebamus ab antiquo annis singulis ipso frui, ciuibus nostris in Legnicz pro quinquaginta marcas vsualis pecunie vendidisse in perpetuum, iure hereditario possidendum. In cuius rei certitudinem et firmitatem presentem litteram scribi et nostri sigilli munimine iussimus insigniri. Actum et datum in Legnicz, anno domini M°CCC° decimoseptimo in crastino beate Margarethe virginis. Presentibus testibus subnotatis Bronizlao Buziwoy, Vincencio de Schiltberg, Hogerio de Pritticz, militibus, Hartungo Cole, Johanne de Rymberg et domino Paulo dicto Pfeffirkorn, nostro prothonotario et alijs pluribus et Johanne Clauigeri, nostre curie notario, qui presencia ad scribendum habuit in commisso.

Bitschens Privilegb. f. LXXXIII.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866